Futbol bo‘yicha Ispaniya Superkubogi finalida “Real Madrid” va “Barselona” jamoalari 15-yanvar, yakshanba kuni o‘zaro to‘qnash keldi.
Saudiya Arabistoni poytaxti Ar-Riyod shahrida o‘tkazilgan uchrashuvning 33-daqiqasida Gavi katalonlarni oldinga olib chiqdi. Birinchi bo‘lim so‘ngida Robert Levandovski hisobni ishonchli ko‘rinishga keltirdi.
68-daqiqada Pedri jamoasining kombinatsiyasini muvaffaqiyatli yakunladi. Hakam tomonidan qo‘shib berilgan vaqtda Karim Benzema madridliklarning yagona javob goliga muallif bo‘ldi.
Shu tariqa “Barselona” o‘z tarixida 14-marta Ispaniya Superkubogiga ega chiqdi. “Real” hisobida 12 ta sovrin bor.
Ispaniya Superkubogi
Final
15-yanvar, yakshanba
“Real Madrid” — “Barselona” 1:3
Gollar: 0:1 – 33 Gavi, 0:2 – 45 Levandovski, 0:3 – 69 Pedri, 1:3 – 90+3 Benzema.“Real Madrid”: Kurtua, Karvaxal (Nacho, 72), Ryudiger, Militao, Mendi, Modrich (Sebalyos, 65), Kroos (Asensio, 72), Kamavinga (Rodrigo, 46), Valverde, Benzema, Vinisius Junior.
“Barselona”: ter Shtegen, Arauxo (Erik Garsiya, 86), Kristensen, Kunde, Balde, Serxi Roberto, Fati, Buskets, de Yong (Kessie, 87), Pedri, Gavi, Levandovski, Dembele (Rafinya, 78).
Ogohlantirishlar: Mendi (32), Kristensen (49), Arauxo (68), Valverde (82).
Izoh (0)