“Shaxtyor” hujumkor yarim himoyachisi Mixaylo Mudrik faoliyatini “Chelsi”da davom ettiradi. Ingliz klubi futbolchi bilan 2031-yilning yoziga qadar mo‘ljallangan shartnoma imzolaganini ma’lum qildi.
“Shaxtyor” Mudrik uchun 70 million yevro to‘lanishi va yana 30 million yevro bonus nazarda tutilganini tasdiqladi.
Bu Ukraina futboli tarixidagi rekord narx hisoblanadi. Mudrik bu borada “Milan”dan 44 million yevro evaziga “Chelsi”ga o‘tgan Andrey Shevchenkoning rekordini yangiladi.
Uchinchi o‘rindan Oleksandr Zinchenko joy olgan. U “Manchester Siti”dan “Arsenal”ga 35 million yevro evaziga o‘tgandi.
Izoh (0)