UFC Frensis Ngannuni chempionlikdan mahrum qildi. Vakant titul uchun Jons va Gan jang qiladi

Og‘ir vazn toifasida UFC chempioni Frensis Ngannu promoushen bilan yangi shartnoma imzolamaydigan bo‘ldi.

UFC prezidenti Deyna Uaytning ma’lum qilishicha, tomonlar yangi bitim borasida o‘zaro kelishuvga erisha olmagan. Shu tariqa Ngannudan chempionlik unvoni olib qo‘yiladi.

Vakant kamar uchun kechadigan jang ham qilindi. Yarim og‘ir divizionning sobiq chempioni Jon Jons 5-mart kuni bo‘lib o‘tadigan UFC 285 musobaqasida Siril Gan bilan mazkur kamar uchun jang qiladi.

Ngannu 2021-yilning mart oyida Stipe Miochichni mag‘lub etib, chempionlikni qo‘lga kiritgandi. So‘nggi jangini 2022-yilning yanvarida Siril Ganga qarshi o‘tkazib, g‘alaba qozongan.

Jon Jons so‘nggi bor 2020-yilning fevralida oktagonga ko‘tarilgan va unda Dominik Reyesni taslim etgandi.