Futbol bo‘yicha Angliya Premyer Ligasining 20-turida “Chelsi” 15-yanvar, yakshanba kuni “Kristal Pelas”ni qabul qildi.
Uchrashuvning birinchi bo‘limida hisob ochilmadi. 65-daqiqada maydon egalari yarim himoyachisi Kay Haverts “ko‘klar”ga g‘alaba keltirgan gol muallifiga aylandi.
Shu tariqa “Chelsi” uch o‘yindan iborat g‘alabasiz seriyasiga yakun yasadi. Grem Potter shogirdlari 28 ochko bilan 10-pog‘onani egallab turibdi. “Kristal Pelas” 22 ochko bilan 12-o‘rinda bormoqda.
Yana bir o‘yin “Nyukasl” va “Fulhem” jamoalari o‘rtasida kechdi. Unda “hakkalar” Aleksander Isakning 88-daqiqadagi gol evaziga g‘alabani ilib ketdi.
“Nyukasl” mazkur g‘alaba evaziga ochkolarini 38 taga yetkazib, uchinchi o‘ringa qaytdi.
APL
20-tur bahslari
15-yanvar, yakshanba
“Chelsi” – “Kristal Pelas” 1:0
Gol: 1:0 – 64 Haverts.“Chelsi”: Arrisabalaga, Chaloba, Tiago Silva, Badyashil, Holl (Kulibali, 78), Jorjinyo, Ziyosh (Kovachich, 89), Maunt, Gallaher, Chukvuemeka (Obameyang, 63), Haverts (Aspilikueta, 89).
“Kristal Pelas”: Guaita, Klayn, Andersen (Tomkins, 38), Gexi, Mitchell, Shlupp (Hyuz, 69), Eze (Eduar, 69), Dukure, Olise, Ayyu (Mateta, 69), Zaha.
Ogohlantirishlar: Dukure (26), Klayn (42), Jorjinyo (49), Eze (52), Viyeyra (80), Hyuz (83), Gallaher (84), Gexi (88).
Izoh (0)