2022-yil davomida O‘zbekistonda soliq tushumlari va kreditlar hajmi qanday o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Monitoring natijalari shuni ko‘rsatdiki, yil davomida mamlakat soliq tushumlari hajmi 16 foizga oshgan.
Jizzax (34,3 foiz), Samarqand (34 foiz), Farg‘ona (33,4 foiz), Sirdaryo (30,9 foiz), Buxoro (30,8 foiz) viloyatlarida, Qoraqalpog‘istonda (33,2 foiz) va Toshkent shahrida (38,1 foiz) soliq tushumlarining sezilarli o‘sishi qayd etildi.
Tahlillarga ko‘ra, 2022-yilda soliq tushumlarining o‘sishiga: elektron hisob-faktura, onlayn kassa, Cashback, E-ijara, “Soliqchi ko‘makchi”, tax.gap kabi yangi raqamli vositalarni, tovarlarni raqamli markalash, milliy katalog (tasnif.soliq.uz) va boshqalar joriy etish hisobiga erishildi.
Manbalar bo‘yicha aylanma soliq tushumlari 152 foizga, QQS 128 foizga, daromad solig‘i tushumlari 157 foizga oshgani joriy yilning oxirigacha ushbu o‘sish darajasini saqlab qolish imkonini berdi.
Shuningdek, 2022-yilda tijorat banklari tomonidan berilgan kreditlar hajmi o‘tgan yilning shu davriga nisbatan 9,3 foizga oshdi.
Kreditlar berish hajmi Farg‘ona (28,7 foiz), Xorazm (22,2 foiz), Samarqand (20,3 foiz), Toshkent (12 foiz) viloyatlarida, Qoraqalpog‘iston (13,9 foiz) va Toshkent (14,6 foiz) shahrida sezilarli darajada oshgani qayd etildi.
Mavzuga doir: 2023-yil uchun soliq siyosati va stavkalari. Nimalar o‘zgardi?
Izoh (0)