Namangan viloyatining Pop tumanida yuk mashinasi yonib ketdi. Holat aks etgan video ijtimoiy tarmoqlarda tarqaldi.
Viloyat YHXB matbuot xizmatining ma’lum qilishicha, hodisa Toshkent—O‘sh avtomobil yo‘lining 272-kilometrida yuz bergan. Harakatlanib ketayotgan yuk mashinasining tormoz qismida nozoslik yuzaga kelgani tufayli yong‘in kelib chiqqan.
Yong‘in FVB va Qamchiq maxsus qidiruv qutqaruvchilari tomonidan bartaraf etilgan.
Ayni paytda sodir bo‘lgan yong‘in yuzasidan tergovga qadar surishtiruv ishlari olib borilmoqda.
Izoh (0)