Buyuk Britaniya bosh vaziri Rishi Sunak Ukraina prezidenti Vladimir Zelenskiy bilan telefon orqali suhbatda Ukraina armiyasiga Britaniyaning Challenger 2 tanklarini yetkazib bermoqchiligini tasdiqladi.
“Bosh vazir Buyuk Britaniyaning Ukrainani qo‘llab-quvvatlashini, jumladan, Challenger 2 tanklari va qo‘shimcha artilleriya tizimlarini yetkazib berish orqali ko‘makni oshirish istagini bildirdi”, — deyiladi Britaniya bosh vazirining idorasi xabarida.
Bayonotda Ukraina Qurolli kuchlari qancha tank va artilleriya tizimini olishiga aniqlik kiritilmagan. The Sun nashrining yozishicha, London Kiyevga 12 ta tank beradi.
11-yanvar kuni Financial Times gazetasi Sunak ofisidagi amaldorga tayanib Britaniya bosh vaziri mudofaa vaziridan Ukrainani qo‘llab-quvvatlash, jumladan, tanklar bilan ta’minlashda “hamkorlar bilan ish olib borishni” so‘ragani haqida yozgandi. Shu tariqa Britaniyada birinchi marta tanklarni Ukrainaga o‘tkazish rejalari tasdiqlandi.
Izoh (0)