“Manchester Yunayted” hujumchisi Markus Reshford Premyer Liga 20-turi doirasida kechgan “Manchester Siti”ga qarshi kechgan o‘yinda (2:1) gol urishga muvaffaq bo‘ldi.
25 yoshli futbolchi “Manchester Yunayted” safida barcha musobaqalar doirasida ketma-ket yettita o‘yinda gol urdi va bu borada Krishtianu Ronalduning (2008-yilning mart-aprel oylarida) rekordini takrorladi. Har ikki futbolchi bu oraliqda 8 tadan gol urgan.
Reshford APLdagi 67-golini urdi. Ularning 27 tasi (40,3 foizi) g‘alaba to‘pi hisoblanadi. Markus ligada 50+ gol urgan futbolchilar orasida g‘alaba to‘pini kiritish bo‘yicha eng yaxshi foiz ko‘rsatkichiga ega bo‘lib turibdi.
Reshford APL joriy mavsumida 18 ta o‘yin o‘tkazib, 8 gol va uchta golli uzatma muallifiga aylandi.
Izoh (0)