AOKAda o‘tkazilgan brifingda Palata axborot xizmati rahbari Dilafruz Husanova Savdo-sanoat palatasi tomonidan 2022-yilda amalga oshirilgan ishlar haqida ma’lumot berdi.
Qayd etilishicha, Savdo-sanoat palatasi a’zosi bo‘lgan tadbirkorlik subyektlari manfaati uchun sudlarga qiymati 56 trillion so‘mdan ortiq 523 487 ta da’vo arizasi kiritilgan.
Qabul qilinishi ko‘zda tutilayotgan normativ-huquqiy hujjatlar loyihalarining tadbirkorlik faoliyatiga ta’sirini baholash to‘g‘risidagi xulosani berish bo‘yicha vakolatli organ sifatida palata tomonidan jami 918 ta normativ-huquqiy hujjat loyihasi yuzasidan jamoatchilik ekspertizasi o‘tkazilgan. Shularning 565 tasi bo‘yicha aniq takliflar bildirilgan.
Palata ijroiya qo‘mitasi va uning hududiy boshqarmalari huzuridagi 15 ta hakamlik sudlari tomonidan umumiy qiymati 4 trillion so‘mdan ortiq 2000 ga yaqin nizolar ko‘rib chiqilgan.
Izoh (0)