Ўзбекистондан халқаро йўналишларга амалга ошириладиган автобус қатновлари вақтинча тўхтатилди. Бу ҳақда Транспорт вазирлиги ахборот хизмати хабар берди.
Қайд этилишича, шу кунларда Қозоғистон ва Россияда кузатилаётган кучли совуқ туфайли йўлларда музламалар ҳосил бўлиб, транспорт воситаларида техник носозликлар келиб чиқиши оқибатида йўловчилар қийин вазиятга тушиб қолмоқда.
Шу сабабли ноқулай об-ҳаво шароитини инобатга олиниб, йўловчи ташишда хавфсизликни таъминлаш мақсадида Ўзбекистондан халқаро йўналишларда амалга оширилувчи мунтазам автобус қатновлари 13 январдан вақтинчалик тўхтатилди.
Мавзуга доир: Тошкент—Бухоро—Тошкент йўналишидаги учта поезд рейси бекор қилинди
Изоҳ (0)