«Халқлар дўстлиги» санъат саройида январь ва февраль ойида машҳур хонандалар, қизиқчи ва миллионлаб мухлисларга эга кулги жамоаларининг концерт дастури бўлиб ўтиши режалаштирилган. Қуйида кутилаётган концертлар ва уларнинг чипта нархлари ҳақида маълумот берилади.
Осман Наврўзов
Хонанда Осман Наврўзовнинг 16—17 январь куни «Халқлар дўстлиги» санъат саройида бўлиб ўтадиган концерт дастурининг билет нархлари 25 минг сўмдан 300 минг сўмгача нархда сотилмоқда. Ҳозирда олд қаторлардаги жойлар сотиб бўлинган, бироқ орқа ва қанот қисмида жойлашган баъзи жойларни сотиб олиш мумкин. Балкон қисмида эса жойлар етарли. Хонанданинг концерт дастурида қизиқчи Аваз Охун ҳам иштирок этади.
«Хоразм юлдузлари» гала-концерти
Фақат хоразмлик халққа танилган хонандалар иштирокида бўлиб ўтадиган ушбу концерт дастури 20—21 январь куни бўлиб ўтади. Билет нархлари жойларга қараб 40 000 сўмдан 350 000 минггача бўлган нархда белгиланган. Концерт дастурида Оғабек Собиров, Ҳулкар Абдуллаева, Дилмурод Султонов, Феруза Жуманиёзова ва бошқа хоразмлик хонандалар иштирок этиши режалаштирилган.
«Она юрт оҳанглари» гала-концерти
«Она юрт оҳанглари» номли гала-концерт 22 январь куни «Халқлар дўстлиги» санъат саройида бўлиб ўтади. Олд қатордаги жойларнинг нархи 250 минг сўмни ташкил этади. Ўрта қатордаги жойларни 120 мингдан 180 минггача бўлган нархда сотиб олиш мумкин.
Балкон қисмидаги жойларнинг нархи эса 40 минг сўмдан 50 000 сўм қилиб белгиланган. Концерт дастурида Дилноза Кубаева, Воҳиджон Исоқов, Дилсўз, Жасур Умиров, Гули Асалхўжаева, Хуршид ва Сардор Расуловлар, шунингдек, бошқа машҳур хонандалар иштирок этади.
«Салом Янги йил» номли гала-концерт
«Салом Янги йил» номли гала-концерт дастурида Собиржон Мўминов, Женисбек Пиязов, Зулайҳо Бойхонова, Зоҳиршоҳ Жўраев, Анвар Собиров, Илҳом Фармонов каби хонандалар иштирок этади, бу концерт дастурида ўзингиз истаган ҳар қандай жойни сотиб олишингиз мумкин, билетлар етарли. Чипталар нархи эса 30 минг сўмдан 200 минг сўмгача қилиб белгиланган.
«Аристократлар» кулги жамоаси
«Аристократлар» кулги жамоасининг концерт дастури 4—5 февраль куни бўлиб ўтади. Концерт дастуридаги билетларни 300 минг сўмдан 40 минггача сотиб олиш мумкин. Олд қатордаги жойлар деярли тугаган, ўрта қатор ва қанот қисмидаги жойларни эса сотиб олиш мумкин. Балкондаги жойлар эса етарли.
Шоҳруххон
Хонанда Шоҳруххоннинг «Халқлар дўстлиги» санъат саройидаги концерт дастури 9 февралдан 14 февралгача бўлиб ўтади. Олд қатордаги жойлар деярли сотиб бўлинган. Орқа, ўрта, қанот ва балкон қисмидаги жойларни сотиб олиш мумкин. Билет нархлари 25 минг сўмдан 350 минггача. Ўрта қатордаги жойларни 80 мингдан 180 минггача сотиб олса бўлади.
Юлдуз Усмонова
Ўзбекистон халқ артисти Юлдуз Усмонованинг концерт дастури 16 февралдан 28 февралгача бўлиб ўтади. Олд қатордаги билетлар қолмаган, бироқ ўрта ва орқа қатордаги, балкондаги билетларни сотиб олса бўлади. Билет нархлари 35 минг сўмдан 450 минг сўмгача қилиб белгиланган.
Изоҳ (0)