“Kech gullagan gul” — bu to‘liq Bollivud aktrisasi Vidya Balanning hayoti va karyerasiga tegishli. Aktrisa 16 yoshida kino olamdagi faoliyatini boshladi, biroq 30 yoshidan keyin mashhurlikka erishdi. Ko‘plab aktrisalar kinoni tark etganida yoki qahramonlarining fe’l-atvoriga moslashganda, u hayotidagi ajoyib, ko‘p qirrali va yorqin rollarni ijro etdi.
U mantiq, tarix va me’yorlarga qarshi borib, tomoshabinlar va tanqidchilarning qalbini zabt etdi, shu bilan birga, Bollivuddagi ko‘p qirrali va iste’dodli aktrisalardan biriga aylandi.
Vidya muvaffaqiyatga erishishdan oldin uzoq yo‘lni bosib o‘tdi. U 1979-yilning 1-yanvarida Hindistonning Bombey shahrida (zamonaviy Mumbay) tug‘ilgan, uning otasi Balan Tamildan Bombeyga ish sababli ko‘chib o‘tdi. Aktrisaning onasi Sarasvati Keraladan, shuning uchun oilada tamil va malayalam tillarida teng so‘zlashiladi.
Vidyaning Priya ismli opasi bor va uning amakivachchasi Priyamani taniqli janubiy hind aktrisasi hisoblanadi.
Vidya o‘rta maktabda o‘qib yurgan paytida Hindistondagi birinchi sun’iy yo‘ldoshi sitkomida, yosh va tajribasiz Ekta Kapur tomonidan suratga olingan “Besh kishimiz” loyihasida rol o‘ynagan. Ekta otasi, aktyor Jitendra Ektani televizion prodyuserlikda o‘zini sinab ko‘rishga ruxsat berganida, u atigi 19 yoshda bo‘lgan.
Ularning kichik ofislari bor edi va kam mablag‘ ketadigan suratga olish ishlari va sun’iy yo‘ldosh televideniyesida sotilishi mumkin bo‘lgan kam budjetli seriallar uchun g‘oyalarni qidira boshladi. Besh opa-singil o‘sgan oila haqidagi “Besh kishimiz” kulgili serialining tarixi shunday paydo bo‘ldi. Suratga olish ishlarini olib borish uchun deyarli mablag‘ yo‘q edi, shuning uchun Ekta o‘z ishlari uchun juda kam mablag‘ talab qiladigan yangi aktrisalarni qidirdi.
Vidyaning otasi kabel televideniyesi kompaniyasining rahbari edi. Kastingdan xabar topgach, u qizining filmda suratga tushishini taklif qildi. Keyin hech kim bu yangi sun’iy yo‘ldosh televideniyesi haqiqatan ham mashhur bo‘lib, juda ko‘p mablag‘ olib kelishini o‘ylamagan edi. “Besh kishimiz” filmi haqiqatan ham xit darajasiga chiqdi.
Vidya sitkomning birinchi mavsumida, 1995-yildan 1999-yilgacha suratga tushgan. Loyiha tugashi bilan unga darhol boshqa seriallarda ishtirok etish taklif qilindi, biroq aktrida ularni ishonch bilan rad etdi, chunki u katta loyihalarda ishtirok etib mashhur aktrisa bo‘lishni xohladi.
Bu esa uning kinokaryerasida jiddiy ish bermadi. Aktrisaga 2000-yilda, serial tugaganidan so‘ng, Mammuti bilan partnyorlikdagi “Chakram” nomli malayalam tilida suratga olinishi kerak bo‘lgan filmdan bosh rolni taklif qilishdi. Bu uning uchun mukammal debyut bo‘lishi va katta mashhurlik olib kelishi kerak edi.
“Besh kishimiz” serialining aktrisalaridan biri malayalam kino sanoatida mashhurlik izlayotgani (yodda tuting, malayalam tili Vidyaning ona tili hisoblanadi) haqidagi xabarlar allaqachon matbuotda paydo bo‘la boshlagan edi. Aktrisaga yana o‘nlab filmlardan taklif tushdi.
Keyinchalik Mammuttining filmi mablag‘ni yo‘qotdi. Aktrisaning muxlislari bu Vidyaning aybi ekaniga amin edi, u “lan’atlangan” deb e’lon qilindi va Bollivuddan haydaldi.
U katta budjetli filmda Madhavan bilan birga rol o‘ynab, tamil tilidagi filmlarda suratga tusha boshladi. Biroq suratga olish jarayonlarining o‘rtasida uni ishdan bo‘shatishdi va o‘rniga boshqa aktrisani olishdi.
Uchinchi tamil tilidagi filmda u yana suratga olish ishlarining o‘rtasida Trisha ismli aktrisa bilan almashtirildi. Muvaffaqiyatsizlikdan charchagan Vidya malayalam kino olamiga qaytib keldi va hech qachon chiqarilmagan kam byudjetli filmda rol o‘ynadi. Shu bilan birga, uning o‘zidan 5 yosh kichik bo‘lgan amakivachchasi Priyamani allaqachon telugu va tamil tilidagi kino sanoatida yaxshi natijaga erishgan edi.
Uning birinchi suratga tushgan serialidagi hamkasblari o‘zlarining teledasturlarini olib borishar edi va Bombey kino sanoatida o‘smir modellar filmlarda bosh rollarni ijro etayotgan edi, “keksa” 22 yoshli Vidya esa 6 yillik aktyorlik tajribasiga bo‘lsa-da, ortda qoldi.
Vidya o‘z karyerasini qurishda davom etdi. U reklama roliklarida va musiqiy videolarda rol o‘ynadi. Keyinroq aktrisa bengal tilidagi loyihada suratga tushdi va tomoshabinlarni o‘ziga jalb etdi.
Aktrisaning obrazlarini biroz qayta ko‘rib chiqqan Vidhu Vinod Chopra Vidyani “Turmushga chiqqan ayol” romani asosida suratga olinishi kerak bo‘lgan filmga taklif qildi. Bu aktrisaning tanqidchilarning olqishiga va FilmFare mukofotiga sazovor bo‘lgan ajoyib roli edi.
Biroq “Turmushga chiqqan ayol” filmi chiqqanidan keyin Vidya yana qoqila boshladi. Shundan keyin prodyuserlar nima qilishni bilmadi. U epizodik rollarda yaxshi natijaga erishdi, filmlarda unga noan’anaviy qahramon bo‘lishga ruxsat berildi (masalan, “Guru” loyihasidagi nogiron yoki “Eklavya” filmidagi sodiq xizmatkor roli), biroq aktrisa asosiy qahramonlarning rollarini unutilmas tarzda ijro etdi.
Bu paytlarda Vidya faqat dabdabali kiyingan, biroz to‘la va sochi uzun aktrisa sifatida tanilgan edi. Balanning faoliyati 2008-yilda, 29 yoshga to‘lganida to‘xtab qoldi. Uning shaxsiy hayoti “Omad tumori” filmidagi partnyori Shahid Kapur bilan ishqiy munosabatlar haqidagi mish-mishlar ostida qoldi.
Keyinroq aktrisa kamdan-kam uchraydigan kasallikka chalingan 12 yoshli bolaning onasi obrazini gavdalantirgan “Ota” filmida munosib rol o‘ynadi. Biroq o‘sha paytda barcha e’tibor ota va o‘g‘il — Amitabh va Abhishek Bachchan duetiga qaratildi. Vidya qandaydir tarzda bu shovqin ichida yo‘qolib qolgandek edi. Uning karerasi tugaganga o‘xshardi. Shunga qaramay, 30 yoshgacha bo‘lgan vaqt aktrisa uchun eng yaxshi va muhim yillar bo‘ldi. U 30 yoshga to‘lganidan keyin filmlarda ona obrazida chiqa boshladi.
Keyin mantiqqa zid ravishda, Vidya Balanning karyerasi osmonga ko‘tarildi. Katta tanaffusdan keyin u 2010-yilda suratga olingan “Sevgining sababi yo‘q” komediyasida suratga tushdi. Shundan so‘ng tanqidchilar tomonidan e’tirof etilgan “Hech kim Jessikani o‘ldirmagan” trillerida paydo bo‘ldi.
Balan “Kir rasm” filmida suratga tushganidan keyin millionlab muxlislarning kumiriga aylandi. Aktrisa Silk Smitaning hayotidan ilhomlanib suratga olingan ushbu biografik film uchun Hindiston prezidentining milliy kino mukofotiga sazovor bo‘ldi.
“Hikoya” trilleri uning muvaffaqiyatini shunchalik mustahkamladiki, tanqidchilar Bollivuddagi Xonlar tugaganini jiddiylik bilan yozishdi. Bosh roldagi Vidya Balan ishtirokidagi filmlar kinoteatrlarda ko‘plab muxlislarni to‘pladi va loyihalar tomoshabinlarga yoqdi. Vidya Balan kino sanoatining belgilangan qoidalarini o‘zgartirdi.
U chiroyli ssenariylar va kuchli aktyorlik mahorati tufayli qahramonlarni ijro etgan aktyorlar bilan osongina bir xil darajada turishi va aktyorlar singari anshlaglarni to‘plashi mumkinligini isbotladi. Aktrisa o‘ziga xos bo‘lishga imkon beradigan rollarni tanladi.
Vidya Balanning shaxsiy hayoti ham 30 yoshdan keyin boshlandi. U 2012-yilda ikki marta oila qurib ajrashgan prodyuser Siddhart Roy Kapurga turmushga chiqdi. Vidyadan oldin prodyuserning ikkita rafiqasi bo‘lgan.
Siddhart — mashhur prodyuser, UTV studiyalarining rahbari hisoblanadi. Juftlikning farzandi yo‘q, biroq aktrisa intervyularining birida farzand ko‘rish niyati borligini aytgan.
U tabassum qilishda va filmlarda rol o‘ynashda davom etmoqda. Aktrisa 2022-yilda suratga olingan “Raqs” trilleri uchun “Yilning eng yaxshi aktrisasi” mukofoti nominatsiyasining bir nechta kategoriyalarini qo‘lga kiritdi.
U ko‘p holladrda an’anaviy hind ayoliga o‘xshab sochlarini bo‘shatib qo‘yadi va sari kiyadi, aktrisa 15 yil oldin yosh zamonaviy liboslarda kiyinganidan ko‘ra chiroyliroq ko‘rinadi.
Mavzuga doir: Bollivud yulduzi Vidya Balan haqida 10 qiziqarli fakt (foto).
Izoh (0)