“Avatar: Suv yo‘li” butun dunyo bo‘ylab 1,52 milliard dollardan ortiq daromad keltirdi va 2022-yilda namoyish etilgan eng yuqori daromad keltirgan filmga aylandi, deb xabar bermoqda “Pravila jizni” nashri.
Dunyoga mashhur rejissor Jeyms Kemeron kinokartinani davom ettishini tasdiqladi. “Avatar: Suv yo‘li” filmi yuqori natijalarni qayd etishi uchun bor-yo‘g‘i bir necha hafta kerak bo‘ldi. Kinokartina Tom Kruz ishtirokidagi “Top Gan: Meverik” filmini birinchi pog‘onadan pastga tushirdi, ushbu film may oyidagi premyerasidan buyon taxminan 1,49 milliard dollar daromad to‘plagan edi.
2009-yilda chiqarilgan “Avatar” filmining birinchi qismi esa barcha davrlarning eng yuqori daromad keltirgan filmi bo‘lib qolmoqda. U kassada rekord darajadagi mablag‘ni, ya’ni 2,9 milliard dollar ishlab topdi.
“Avatar-2” filmining tijoriy muvaffaqiyati Kemeronni franshizani davom ettirishi kerakligiga ishontirdi. Filmning uchinchi qismini suratga olish ishlari allaqachon yakunlangan, to‘rtinchi va beshinchi qismlarni suratga olish uchun ssenariylar tayyor. Biroq, film direktori yakuniy qarorni qabul qilish uchun loyihalarning foyda keltirishiga ishonch hosil qilishi kerak edi.
“Kassadagi mablag‘ to‘plash tezligini inobatga olsak, film bir necha kundan keyin o‘zini oqlaydi. Qochib qutula olmayman, shekilli, filmning qolgan qismlarni chiqarishga to‘g‘ri keladi”,— deb Kemeronning so‘zlaridan keltiradi The Hollywood Reporter nashri.
Kemeronning so‘zlariga ko‘ra, franshizaning qolgan qismlari ustida ishlash taxminan olti-yetti yil davom etadi. Rejissorning ta’kidlashicha, so‘nggi qismlar butun filmlar turkumidagi eng yaxshilari bo‘ladi, birinchi qismlar esa shunchaki “kirish” edi.
Mavzuga doir:
- Amerikalik aktyor Mett Deymon “Avatar” filmida suratga tushmagani uchun 250 million dollardan quruq qoldi.
- “Avatar: Suv yo‘li” filmining yangi treyleri namoyish etildi (video).
- “Bilasizmi nima? Men ‘Titanik’ni suratga olganman” — Jeyms Kemeron “Avatar”dagi xronometraj uchun qanday kurashganini so‘zlab berdi.
Izoh (0)