2022-yil noyabr oyining oxirida Netflix’ning “Uenzdey” seriali ekranlarga chiqdi. Serialda bosh rolni ijro etgan aktrisa Jenna Ortega “Oltin globus”da o‘zining rasmiy debyutini o‘tkazdi, shu bilan birga, birinchi “Eng yaxshi rol” nominatsiyasini oldi. Loyiha qisqa vaqt ichida mashhurlikka erishdi va tomoshabinlarning qalbidan joy oldi.
Serialdagi bosh qahramon Uenzdey ijro etgan raqs esa dunyo bo‘ylab muxlislarini topdi va ijtimoiy tarmoqlarda ko‘rishlar soni bo‘yicha rekord o‘rnatdi. Jenna Ortega “Uenzdey” serialidagi raqsi haqida fikr bildirdi.
Aktrisa Etonline nashriga bergan intervyusida serial namoyish etilganidan keyin hayoti haqiqatan ham o‘zgarganini tan oldi.
“Hayotimda o‘zgarish bo‘lganini his qilyapman. Bu, albatta, men uchun yangi davr”, — deydi aktrisa. Keyinchalik Jenna Ortega serialdagi katta mashhurlikka erishgan raqsiga bunday kuchli munosabat kutmaganini aytdi, chunki raqsning ko‘p qismi improvizatsiyadan iborat.
“Haligacha ishona olmayapman. Ba’zi harakatlarni men rejalashtirganman, ba’zilari esa haqiqiy improvizatsiya edi. Shuning uchun haqiqatan ham, kimdir minnatdorchilik bildirishi va buni o‘zida sinab ko‘rishi men uchun tushunarsiz”, — deb fikr bildirgan Jenna Ortega o‘z raqsi haqida.
Mavzuga doir:
- Tasodifmi yoki ko‘chirma? “Uenzdey” seriali voqealari mashhur filmlarni yodga solmoqda.
- “Uenzdey” serialidagi Qo‘l tomoshabinlarning sevimlisiga aylandi. Bu rolni ruminiyalik ko‘zboylog‘ich ijro etgan.
- Faqat “Uenzdey” emas: Jahon kinosi tarixidagi eng ajoyib raqslar (video).
- Uenzdey rolini qoyilmaqom ijro etgan va internetni “portlatgan” raqsni o‘zi o‘ylab topgan Jenna Ortega haqida 20 ta fakt.
Izoh (0)