Buxorodan Toshkentga harakatlanayotgan “Afrosiyob” poyezdi nozoslik sabab to‘xtatildi

Buxorodan Toshkentga harakatlanayotgan “Afrosiyob” poyezdida anomal sovuq ob-havo sababli nosozlik yuzaga keldi.

“O‘ztemiryo‘lyo‘lovchi” matbuot xizmatining xabar qilishicha, 13-yanvar kuni Buxoro—Toshkent yo‘nalishidagi 765-sonli yuqori tezlikda harakatlanuvchi elektropoyezdda anomal sovuq ob-havo sababli nosozlik yuzaga keldi va poyezd “Malik” bekatida  to‘xtatildi.

Yo‘lovchilarni manzilga xavfsiz yetkazib kelish maqsadida zaxira “Afrosiyob” elektropoyezdi  jo‘natildi.

Ma’lum qilinishicha, O‘zbekistonda kuzatilayotgan anomal sovuq ob-havo tufayli yo‘lovchi poyezdlar harakat xavfsizligini ta’minlash maqsadida 13-yanvar kuni poyezdlar harakat jadvaliga o‘zgartirishlar kiritiladi. Shu sababli yo‘lovchi poyezdlarning jo‘nash hamda manzilga yetib borish vaqtlarida o‘zgarishlar bo‘ladi.

“Har bir yo‘lovchining o‘z manziliga xavfsiz olib borilishini ta’minlash eng muhim vazifadir. Shuni inobatga olgan holda, ‘O‘ztemiryo‘lyo‘lovchi’ rahbariyati yo‘lovchilardan kelib chiqqan bunday vaziyatni to‘gri tushunishlarini istab, keltirilgan noqulayliklar uchun uzr so‘raydi”, — deyiladi xabarda.