“Toshkentning bir necha chorrahalarini odambashara qilgan urbanist Arkadiy Gershman Toshkent shahar hokimligining Keles yo‘lini ta’mirlash loyihasini keskin tanqid qildi”, deb yozmoqda “Davletovuz” kanali.
Arkadiy Gershmanning fikricha:
— Jamoat transporti uchun ajratilgan yo‘lak polosadan burilishga kiradi — avtobuslar oxirgi momentda mashinalar oqimiga qo‘shilishiga to‘g‘ri keladi. Umuman, belgilarni o‘rnatish va A-razmetkalarni o‘rnatish bilan vaziyat yaxshi bo‘lib qolmaydi.
— Bunda yerni o‘zlashtirish kerak bo‘ladi. Zero, ko‘cha bo‘yidagi mavjud daraxtlar o‘rnini asfalt-beton egallaydi. Manzarali o‘simliklar soya bermaydi, bu esa Toshkent iqlimi sharoitida juda zarur. Piyoda va velosipedchilarning rasmlariga esa odamning kulgisi keladi, chunki aqli raso odam soya bo‘lmasa yurmaydi. Aksiga olib kelajakda bu yerda daraxt ekib bo‘lmaydi, boisi kommunikatsiya tarmoqlari trotuar ostidan o‘tkaziladi, qo‘riqlanadigan hududda esa daraxt ekishga ruxsat berilmaydi. Bundan tashqari, ariqlarga ham yuklama oshadi, chunki suv asfalt va beton orqali sizib o‘tolmaydi.
Hamma joydan stop-liniyalar o‘tgan, buning oqibatida svetoforning har bir fazasini uzaytirish talab etiladi, sababi mashinalar uzoq masofani bosib o‘tishiga to‘g‘ri keladi. Oqibatda hamma yashil chiroqni ko‘proq kutishiga majbur bo‘ladi. Bu esa yo‘lning o‘tkazish qobiliyatini pasaytiradi. Xavfsizlik orolchalari haqida o‘ylanmagan ham.
— Yangi polosalar ham keraksiz joyda paydo bo‘lib qolgan. Balki loyihachilarning asosiy maqsadi yo‘lni ta’mirlashga ko‘proq pul olish bo‘lgandir. O‘ylab ko‘ring, svetoforning bir fazasida ko‘chada 3 qator mashina, ikkinchi fazada ikki qator mashina yurayotgan bo‘lsa, svetofordan so‘ng 5 polosa qilish kerakmi? Albatta, yo‘q, chunki o‘sha vaqtda uchta polosada trafik bo‘ladi. Bu faqatgina bitta misol.
Bu mashinalar uchun yo‘lni kengaytirishni qandaydir zamonaviy narsa bilan shamg‘alat qilishga urinishdir. Avtobus va piyodalar ustuvorligi tilga olingani shunchaki ertakdir.
Vaholanki, markazdan tezyurar avtobus uchun koridor qo‘yish, daraxt ekish hamda yo‘lni hamma uchun qulay va xavfsiz qilish mumkin edi. Ammo Toshkent hokimiyati bunga tayyor emasga o‘xshaydi, — deb yozadi Gershman.
Izoh (0)