Andijon viloyatining Andijon tumanidagi mebel ishlab chiqarish sexida 12-yanvar kuni yong‘in sodir bo‘ldi.
FVV matbuot xizmatining ma’lum qilishicha, soat 13:40 da Kuyganyor shaharchasi “Istiqlol” MFYda joylashgan mebel ishlab chiqarish sexida yong‘in sodir bo‘layotgani to‘g‘risida viloyat FVBga xabar kelib tushgan.
Shunga asosan beshta yong‘in-qutqaruv ekipaji soat 13:55 da voqea joyiga yetib borib, yong‘in soat 14:00 da qurshab olingan va soat 14:55 da bartaraf etilgan.
Yong‘in natijasida sexning taxminan 150 kvadrat metr maydonda tomi, shifti va mahsulotlari yonib zararlangan.
Hodisa oqibatida tan jarohati olgan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Bundan avval Toshkent viloyati Zangiota tumanidagi tekstil sexida yong‘in yuz bergani haqida xabar berilgan edi. Yong‘inni bartaraf etishga 37 ta yong‘in-qutqaruv ekipaji jalb etilgandi.
Izoh (0)