Toshkent viloyati Zangiota tumanidagi tekstil sexida 11-yanvar kuni yong‘in yuz bergandi. Favqulodda vaziyatlar vazirligi axborot xizmati holat yuzasidan qo‘shimcha ma’lumot berdi.
Xabarga ko‘ra, yong‘in-qutqaruv ekipajlari soat 08:20 da voqea joyiga yetib borib, yong‘in soat 11:05 da qurshab olingan va soat 15:05 da bartaraf etilgan. Yong‘inni bartaraf etishga 37 ta yong‘in-qutqaruv ekipaji jalb etilgan.
Yong‘in o‘chirish qismidan yong‘in sodir bo‘lgan manzilgacha masofa taxminan 15 kilometrni tashkil etadi. Yong‘in oqibatida binoning 2-3-qavatlardagi 2900 kvadrat metr ishlab chiqarish maydonlari, uskunalar va unda saqlanayotgan tayyor hamda yarim tayyor trikotaj mahsulotlari yonib zararlangan.
Shuningdek, yong‘indan binoning 11500 kvadrat/metr maydoni saqlab qolingan. Hodisa oqibatida tan jarohati olgan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.
Izoh (0)