Ukrainada “maxsus harbiy operatsiya” boshlanganidan beri Chechenistondan 21 mingdan ortiq jangchi jangovar harakatlarda qatnashdi, deb ma’lum qildi respublika rahbari Ramzan Qodirov o‘zining Telegram-kanalida.
Qodiruv “maxsus harbiy operatsiya” respublika shtabining yig‘ilishida Checheniston parlamenti raisi va shtab rahbari Magomed Daudovning hisobotini tinglaganini aytdi. O‘sha hisobotda urushda qatnashgan chechen jangchilarining umumiy soni qancha ekani va hozir urush zonasida qancha askar borligi xabar qilingan.
“Hozirgi paytda 9 mingdan ortiq harbiy xizmatchilarimiz frontda. Ularning har biri barcha zarur kiyim-kechak va qurol-yarog‘lar bilan ta’minlangan, bu esa samarali jang qilish imkonini beradi”, — deyiladi Qodirov xabarida.
7 yanvar kuni respublika rahbari urush zonasiga qo‘shimcha kuchlar — Rosgvardiyaning “Axmat-1” bo‘linmasidan 300 dan ortiq chechen OMON jangchilari yuborilganini e’lon qilgandi.
Izoh (0)