Кобулдаги Афғонистон Ташқи ишлар вазирлиги биносига киришда худкуш террорчи ўзини портлатиб юборди. Бу ҳақда Tasnim news хабар берди.
Маълум қилинишича, камида учта портлаш қайд этилган. Ҳодиса «Толибон» Ташқи ишлар вазирлигининг кириш эшиги яқинида юз берган. Ҳодиса сабаби ва қурбонлар сонига аниқлик киритилмаган. Норасмий манбалар камида 12 киши ҳалок бўлганини ёзмоқда.
Ҳужумда ТИВ ўринбосари Шер Муҳаммад Аббос Станизкайни йўқ қилиш бўлгани айтилмоқда. У хавфсиз ва соғ экани тасдиқланган. Хавфсизлик гуруҳлари ҳудудга етиб келган. Ҳодисанинг батафсил тафсилотлари тез орада эълон қилинади.
Афғонистондаги сўнгги портлашлар
1 январда Кобулдаги ҳарбий аэропортда портлаш юз бериб, 14 киши ҳалок бўлганди.
22 декабрь куни Кобулнинг Россия элчихонаси жойлашган туманида портлаш содир бўлганди. Полиция ҳодисада қурбонлар ва вайроналар йўқлигини айтган.
12 декабрь куни Кобул шаҳрида хитойликлар бўлган «Шаҳр-Но» меҳмонхонасига ҳужум қилинганди. Воқеа жойида бир неча портлашлар ҳам эшитилган.
Маълумот ўрнида, Афғонистоннинг Самангон вилоятидаги диний мактабда 29 ноябрь куни портлаш содир бўлганди. Ҳодиса оқибатида 35 киши ҳалок бўлган ва 23 киши жароҳатланган.
Изоҳ (0)