Kobuldagi harbiy aeroport yaqinida 1-yanvar kuni yuz bergan portlash oqibatida 14 kishi halok bo‘lgani ma’lum bo‘ldi. Bu haqda Sputnik xabar berdi.
“Tolibon” muvaqqat hukumatidagi manba mazkur statistikani tasdiqlagan. OAV tomonidan dastlab portlash qurbonlari 10 kishini tashkil etgani xabar qilingan. Harbiy aeroportga kiraverishda yuz bergan portlash xudkush tomonidan amalga oshirilgan.
“Tolibon” muvaqqat hukumatining Ichki ishlar vazirligi hozircha portlash tafsilotlariga izoh bermagan. Mamlakatda faoliyat yuritayotgan hech bir qurolli guruh portlash uchun javobgarlikni o‘z zimmasiga olmagan.
12-dekabr kuni Kobul shahrida xitoyliklar bo‘lgan “Shahr-No” mehmonxonasiga hujum qilingandi. Voqea joyida bir necha portlashlar ham eshitilgan.
Ma’lumot o‘rnida, Afg‘onistonning Samangon viloyatidagi diniy maktabda 29-noyabr kuni portlash sodir bo‘lgandi. Hodisa oqibatida 35 kishi halok bo‘lgan va 23 kishi jarohatlangan.
Izoh (0)