O‘zbekiston Professional futbol ligasi dunyodagi eng yetakchi futbol ligalarini o‘zida birlashtirgan Jahon Professional futbol ligalari assotsiatsiyasining to‘laqonli a’zosiga aylandi.
World Association of Professional Football Leagues (WLF) dunyo bo‘ylab 44 ta eng yetakchi ligani o‘zida birlashtirgan xalqaro tashkilot hisoblanadi. 2015-yilning 1-dekabr kuni 23 ta liga Parijda o‘zaro hamfikrlik deklaratsiyasini imzolagach, assotsiatsiya tuzish uchun birinchi qadam qo‘yildi. 2016-yilning 1-may kuni Syurixda mazkur tashkilotga rasman asos solindi.
“Jahon ligalari forumida O‘zbekiston Professional futbol ligasini ko‘rishdan va uning yangi a’zomizga aylanganidan behad mamnunmiz. Biz hamkorlikda O‘zbekiston futboli imkoniyatlarini yuzaga chiqarishdan xursandmiz”, — deb fikr bildirdi assotsiatsiya bosh kotibiJerom Perlemuter.
Ma’lumot uchun, WLF o‘zida UEFAning Angliya, Ispaniya, Italiya, Germaniya, Fransiya, Turkiya, Belgiya, Portugaliya, Ukraina, OFKning Avstraliya, BAA, Yaponiya, Qatar, Saudiya Arabistoni, Malayziya, Janubiy Koreya, Tailand kabi mamlakatlarini birlashtirgan. A’zolarning to‘liq ro‘yxati bilan mana shu havola orqali tanishib olish imkoniyati mavjud. Endi ular orasida O‘zbekiston ham bor.
Izoh (0)