“Atletiko” hujumchisi Joau Feliks faoliyatini “Chelsi”da davom ettiradi.
The Athletic nashrining xabar qilishicha, portugaliyalik futbolchi ijara asosida London klubiga yo‘l oladi, tomonlar bu borada og‘zaki ko‘lishuvga erishgan. “Ko‘klar” ijara uchun 11 million yevro to‘laydi.
Qayd etilishicha, ijara vaqtida Feliksning maoshini “Chelsi” qoplab beradi. Bu 5,3 million yevroni tashkil qiladi.
“Chelsi” kelishuvga Feliksni sotib olish huquqini qo‘shishni istagan, biroq Madrid jamoasi bunga rozi bo‘lmagan.
Feliksning xizmatlariga “Arsenal” va “Manchester Yunayted”dan ham qiziqish bo‘lgan. Joauning o‘zi “Chelsi” variantini ma’qul ko‘rgan.
23 yoshli futbolchi joriy mavsum La Ligada 14 o‘yin o‘tkazib, 4 gol va 3 ta golli uzatma muallifiga aylandi.
Izoh (0)