Taniqli matematik, Milliy o‘quv dasturi asosida yaratilgan 1, 2, 3, 6-sinf matematika fani darsliklari muallifi Shuhrat Ismoilov vafot etdi. Bu haqda Respublika ta’lim markazi xabar qildi.
Qayd etilishicha, xalqaro toifadagi ekspert bo‘lgan Shuhrat Ismoilov matematika olimpiadalarida O‘zbekiston o‘quvchilari terma jamoasi rahbari sifatida mamlakatga ko‘plab medallar olib kelgan.
“Respublika ta’lim markazi jamoasi marhumning oila a’zolari va yaqinlariga hamdardlik bildiradi”, — deyiladi xabarda.
Izoh (0)