O‘zbekistonda aviatashuvchilarga ichki turizm uchun subsidiya ajratish muddati uzaytiriladi

Hukumat qarori bilan O‘zbekiston bo‘ylab sayohat qilish hamda ijtimoiy ahamiyatga ega bo‘lgan yo‘nalishlar xarajatlarining bir qismini O‘zbekiston Respublikasi respublika budjetidan qaytarish tartibi to‘g‘risidagi nizomga o‘zgartirish va qo‘shimchalar kiritildi. Bu haqda Telegram’dagi “Huquqiy axborot” kanali xabar qildi.

Unga ko‘ra, aviatashuvchilarga ichki turizm, shu jumladan, ijtimoiy ahamiyatga ega bo‘lgan mahalliy yo‘nalishlarda aviachipta narxining 25 foizi miqdorida subsidiya 2026-yil 1-yanvargacha ajratiladi (ilgari 2022-yil 1-iyungacha edi).

Ma’lumot uchun, aviatashuvchilarga mahalliy yo‘nalishlardagi aviaqatnovlar uchun chipta narxining bir qismini qaytarish tartibi belgilangan.

Mavzuga doir:

• O‘zbekistonda aviayuklarni tashishni elektron rasmiylashtirishda e-Freight xalqaro standarti joriy etiladi
• Qanday qilib turizm xarajatlarini qoplash uchun subsidiya olish mumkin?