Energetika vazirligi matbuot shtabi is gazidan zaharlanish va gazdan foydalanishda sodir bo‘lishi mumkin bo‘lgan baxtsiz hodisalardan ogohlantirdi.
Vazirlik fuqarolardan gaz jihozlaridan foydalanishda quyidagilarga rioya qilishni so‘ragan:
- isitish mavsumi boshlanishidan oldin binoning mo‘ri va havo almashish yo‘laklarini mutaxassislar tomonidan texnik ko‘rikdan o‘tkazilishini ta’minlang;
- gaz jihozlarini o‘zboshimchalik bilan tarmoqqa ulamang va joyini o‘zgartirmang;
- nosoz isitish qurilmalari va gaz jihozlaridan foydalanmang, mutaxassis ishtirokisiz gaz jiholarini ta’mirlashga yo‘l qo‘ymang;
- gaz jihozlari va isitish qurilmalari joylashgan binolarda havo almashish kanallarining doimiy ochiq holatda bo‘lishini ta’minlang;
- mo‘ri va havo almashish yo‘llarining texnik jihatdan soz bo‘lishini ta’minlang, gaz jihozlari va isitish qurilmalarini qarovsiz qoldirmang;
- yosh bolalarning gaz jihozlaridan foydalanishiga yo‘l qo‘ymang;
- gaz jihozlari joylashgan xonadan dam olish va uxlash maqsadida foydalanmang;
- tabiiy gaz sizib chiqishi holatini aniqlash uchun ochiq olovdan foydalanmang;
- gaz quvurlariga har xil so‘rg‘ichlar o‘rnatilishiga yo‘l qo‘ymang;
- gaz plitasidan kiyimlarni quritish va boshqa maqsadlarda foydalanmang;
- bino ichida gaz hidini sezsangiz elektr jihozlarini yoqib o‘chirmang, gugurt yoqmang, xonani zudlik bilan shamollating hamda tumangaz ta’minoti bo‘limiga (104) qo‘ng‘iroq qiling.
Izoh (0)