Энергетика вазирлиги матбуот штаби ис газидан заҳарланиш ва газдан фойдаланишда содир бўлиши мумкин бўлган бахтсиз ҳодисалардан огоҳлантирди.
Вазирлик фуқаролардан газ жиҳозларидан фойдаланишда қуйидагиларга риоя қилишни сўраган:
- иситиш мавсуми бошланишидан олдин бинонинг мўри ва ҳаво алмашиш йўлакларини мутахассислар томонидан техник кўрикдан ўтказилишини таъминланг;
- газ жиҳозларини ўзбошимчалик билан тармоққа уламанг ва жойини ўзгартирманг;
- носоз иситиш қурилмалари ва газ жиҳозларидан фойдаланманг, мутахассис иштирокисиз газ жиҳоларини таъмирлашга йўл қўйманг;
- газ жиҳозлари ва иситиш қурилмалари жойлашган биноларда ҳаво алмашиш каналларининг доимий очиқ ҳолатда бўлишини таъминланг;
- мўри ва ҳаво алмашиш йўлларининг техник жиҳатдан соз бўлишини таъминланг, газ жиҳозлари ва иситиш қурилмаларини қаровсиз қолдирманг;
- ёш болаларнинг газ жиҳозларидан фойдаланишига йўл қўйманг;
- газ жиҳозлари жойлашган хонадан дам олиш ва ухлаш мақсадида фойдаланманг;
- табиий газ сизиб чиқиши ҳолатини аниқлаш учун очиқ оловдан фойдаланманг;
- газ қувурларига ҳар хил сўрғичлар ўрнатилишига йўл қўйманг;
- газ плитасидан кийимларни қуритиш ва бошқа мақсадларда фойдаланманг;
- бино ичида газ ҳидини сезсангиз электр жиҳозларини ёқиб ўчирманг, гугурт ёқманг, хонани зудлик билан шамоллатинг ҳамда тумангаз таъминоти бўлимига (104) қўнғироқ қилинг.
Изоҳ (0)