UzAuto Motors SAP hisob dasturiy ta’minotini amalga oshirish va mahsulot inventarizatsiyasi o‘tkazayotgani sabab 4-yanvardan boshlab kontraktatsiya shartnomasini tuzish, barcha avtomobillarni topshirish va to‘lovlarni qabul qilishni vaqtincha to‘xtatgandi. Kompaniya 9-yanvar kuni bu jarayon yana bir necha kun davom etishini ma’lum qildi.
Qayd etilishicha, SAP hisob dasturiy ta‘minotini amalga oshirish va mahsulot inventarizatsiya qilish ishlari uzaytirildi. Shu munosabat bilan, barcha avtomobillarni topshirish va to‘lovlarni qabul qilish yana bir necha kunga to‘xtatiladi. Bundan tashqari, dasturiy ta’minotni ishga tushirish tadbirlarining o‘tkazilishi munosabati bilan UzAvtoSavdo ilovasi faoliyati ham vaqtincha to‘xtatib turilishi mumkin.
Dasturiy ta’minotni yangilash va inventarizatsiya ishlari yakunlangandan so‘ng, kontraktatsiya shartnomalarini tuzish, oldindan to‘lovni qabul qilish va avtomobilni yetkazib berish to‘liq hajmda qayta tiklanadi.
“Iste’molchilarimizni ishontirib ayta olamizki, 2022-yil, yangi yil arafasida avtomobil yetkazib berish bo‘yicha shartnoma tuzgan va vaqtinchalik cheklov uchun oldindan to‘lovni amalga oshira olmagan shaxslar ish qayta tiklanganidan so‘ng, avtomobil uchun oldindan to‘lovni amalga oshirishi mumkin.
Shu bilan birga, ular tomonidan avtomobil yetkazib berish bo‘yicha tuzilgan shartnomalar o‘z kuchida qoladi, faqat oldindan to‘lov muddati uzaytiriladi”, — deyiladi UzAuto Motors xabarida.
Izoh (1)
Ассалому алуйкум уз авто матрос качон чартномани бошлади