Fransiya futbol federatsiyasi rahbari Noel Le Gre terma jamoa boshqaruviga Zinedin Zidanni tayinlash haqida mish-mishlar yolg‘on ekanini ma’lum qildi.
“Ayrim murabbiylar triumfdan keyin ketganini ko‘rganmiz. Biz 10 yildan beri birga ishlayapmiz, Desham ketishini aytishi mumkin edi. Bu ro‘y bermadi. U Gengamga payshanba kuni keldi, o‘sha kuni kechki payt hammasini kelishib oldik.
Oldinga yurish vaqti keldi? Nimani nazarda tutayotganingizni bilmayman, Zidan doim yaqin atrofda bo‘lganini bilaman, qandaydir hikoyalar to‘qish shart emas. Uning tarafdorlari ko‘p edi va ayrimlar Deshamning ketishini kutdi. Biroq kim Didyega jiddiy ayb qo‘ya oladi? Biz yomon o‘yin o‘tkazishimiz mumkin, biroq u bilan 10 yildan beri ishlayman va xatolar u qadar ko‘p bo‘lmadi. Bu ajoyib.
Zidan Braziliya terma jamoasida? Bilmadim, men hayron qolgan bo‘lardim. U bilgan ishini qiladi, mening ishim yo‘q. Hech qachon u bilan uchrashmaganman, biz hech qachon Desham bilan xayrlashish haqida o‘ylamaganmiz. Bularning hammasi noto‘g‘ri. Ayrim jurnalistlarga biror hikoya o‘ylab topish muhim, chunki ular nima yozishni bilmaydi. Ochig‘ini aytsam, men hech qachon oldindan hukm chiqarib qo‘yadiganlar tomonida emasman. Zidan qayerga borishni xohlasa borishi mumkin, istagan klub yoki terma jamoaga.
Zidan men bilan aloqaga chiqishga urindimi? Mutlaqo yo‘q, u qo‘ng‘iroq qilgan taqdirda ham telefon go‘shagini ko‘tarmagan bo‘lardim. Unga boshqa klub qidirishni aytish? Balki u klub yoki terma jamoa topishi uchun maxsus tanlov o‘tkazib berarmiz?”, — deydi FFF rahbari.
Avvalroq Didye Desham Fransiya terma jamoasi bilan amaldagi shartnomasini 2026-yilga qadar uzaytirgani ma’lum qilingandi.
Mavzuga doir: Zinedin Zidan uchta terma jamoa taklifini rad etdi
Izoh (0)