“Real” klubi hujumchisi Karim Benzema La Liga 16-turi doirasida kechgan “Vilyarreal”ga qarshi bahsda (1:2) gol urishga muvaffaq bo‘ldi.
Bu fransiyalik futbolchi uchun chempionat doirasidagi 227-gol bo‘ldi. Bu borada Benzema Primeraning eng yaxshi to‘purarlari ro‘yxatida Alfredo di Stefanoga yetib oldi.
Liga tarixidagi eng yaxshi to‘purar Lionel Messi hisoblanadi, “Barselona” sobiq forvardi hisobida 472 ta to‘p bor. Shuningdek, Krishtianu Ronaldu (311), Telmo Sarra (251), Ugo Sanches (234) va Raul (228) bu borada Benzemadan oldinda.
Benzema La Ligada qatorasiga to‘rtta o‘yindan beri gol urmoqda. Avvalroq 35 yoshli futbolchi “Valyadolid”, “Elche” va “Barselona” darvozalarini ishg‘ol qilgandi.
Benzema Primera joriy mavsumida 9 ta o‘yinda ishtirok etib, 8 ta gol urishga muvaffaq bo‘ldi.
Izoh (0)