Futbol bo‘yicha Angliya Kubogining uchinchi bosqichidan o‘rin olgan qator uchrashuvlar 8-yanvar, yakshanba kuni bo‘lib o‘tdi.
“Manchester Siti” jamoasi “Chelsi”ni qabul qildi. Uchrashuvning 23-daqiqasida Riyod Mahrez “shaharliklar”ni oldinga olib chiqqan bo‘lsa, 29-daqiqada Xulian Alvares penaltini aniq amalga oshirgan holda farqni oshirdi.
38-daqiqada Fil Foden hisobni yirik ko‘rinishga olib keldi. Ikkinchi bo‘limda maydon egalari bitta to‘p kiritishga muvaffaq bo‘ldi — Mahrez 11 metrlik jarima zarbasidan keyin yakuniy nuqtani qo‘ydi.
Shu tariqa “Manchester Siti” musobaqaning keyingi bosqichiga yo‘l oldi.
Angliya Kubogi
3-bosqich bahslari
8-yanvar, yakshanba
“Manchester Siti” — “Chelsi” 4:0
Gollar: 1:0 – 23 Mahrez, 2:0 – 30, penalti Alvares, 3:0 – 38 Foden, 4:0 – 85, penalti Mahrez.“Manchester Siti”: Ortega, Uoker, Lyaport, Akandji, Serxio Gomes (Joau Kanselu, 59), Bernardu Silva (Lyuis, 86), Rodri (Fillips, 58), Foden, Palmer, Mahrez, Alvares.
“Chelsi”: Arrisabalaga, Chaloba, Kulibali, Hamfris, Holl, Kovachich (Fofana, 46), Jorjinyo (Aspilikueta, 63), Gallaher, Ziyosh (Jirod-Hatchinson, 63), Maunt (Chukvuemeka, 73), Haverts (Zakariya, 46).
Ogohlantirishlar: Rodri (54), Gallaher (62), Bernardu Silva (70), Joau Kanselu (87).
Izoh (0)