“O‘zavtosanoat” davlatga 613,4 mlrd so‘m dividend to‘lashga qaror qildi. Bu haqda Yagona korporativ axborot portalidan ma’lum bo‘ldi.
“O‘zavtosanoat” 2022-yil 1-oktabr holatiga ko‘ra, 760,3 mlrd so‘m taqsimlanmagan foydasining 80,67 foizini (613,3 mlrd so‘m) davlat ulushi bo‘yicha dividend to‘lashga yo‘naltiradi.
Ushbu taqsimlanmagan foydaning 19,33 foizini, ya’ni 146,9 mlrd so‘mini “O‘zavtosanoat”ni ustav fondidagi davlat ulushini belgilangan tartibda oshirish uchun yo‘naltiradi.
Bu maqsadda 2022-yil 30 iyundagi 8-2022-sonli bayoni yagona aksiyadorning qarori bilan 23,58 mlrd so‘m miqdoridagi mablag‘lar va 70,4 mlrd so‘m UzAuto Motors aksiyalarini sotib olishga yo‘naltirilgan mablag‘lar ham yo‘naltiriladi.
Shunda, 1 dona oddiy aksiyaga 0,33 so‘m (33 tiyin) miqdorida (5 foiz soliq bilan birga) pul mablag‘lari bilan to‘lanishi uchun dividend e’lon qilinadi.
“Hisoblangan dividendlarni miqdorini yagona aksiyador tomonidan dividend to‘lash to‘g‘risida mazkur qaror qabul qilingan sanadan 60 kun ichida to‘lash uchun ijro organ tomonidan tegishli choralar ko‘rilsin”, — deyiladi qarorda.
Izoh (0)