Bloomberg: Xitoy Yevropa davlatlari import qilmoqchi bo‘lgan neftni sotib olmoqda

Xitoy odatiy tarzda Yevropaga yuboriladigan xom neftni sotib oladi. Bu haqda treyderlarga tayanib Bloomberg xabar bermoqda. 

Treyderlarga ko‘ra, Pekin allaqachon 5 million barrel neft sotib olgan. Buning asosiy qismi Qozog‘istonga to‘g‘ri keladi.

Xitoy sotib olgan neft 2022-yilda Rossiyadan sotib olishni kamaytirgan Yevropa davlatlari uchun muhim edi. 

5-dekabrda Rossiya neftiga embargo joriy etilgan va Rossiyadan yetkazib berish narxlarining chegarasi (barreliga 60 dollar) kuchga kirgandi. 

Shu munosabat bilan Yevropa, ayniqsa, neftga bo‘lgan talab ortib borayotganini hisobga olsak, muqobil ta’minot manbalariga muhtoj.

Rossiya nefti narxining yuqori chegarasi Yevropa Ittifoqi mamlakatlari, G7 va Avstraliya tomonidan kelishilgan. 

Bunga javoban Rossiya prezidenti Vladimir Putin neft va neft mahsulotlarini narxlarning yuqori chegarasi bilan yetkazib berishni taqiqladi. Putinning maxsus ruxsati bilan istisnolar bo‘lishi mumkin. 

5-fevraldan Yevropa Ittfioqining Rossiya neft mahsulotlariga nisbatan embargosi ​​ham kuchga kiradi.