Футбол бўйича Англия Кубогининг учинчи босқичидан ўрин олган қатор учрашувлар 8 январь, якшанба куни бўлиб ўтди.
«Манчестер Сити» жамоаси «Челси»ни қабул қилди. Учрашувнинг 23-дақиқасида Риёд Маҳрез «шаҳарликлар»ни олдинга олиб чиққан бўлса, 29-дақиқада Хулиан Альварес пенальтини аниқ амалга оширган ҳолда фарқни оширди.
38-дақиқада Фил Фоден ҳисобни йирик кўринишга олиб келди. Иккинчи бўлимда майдон эгалари битта тўп киритишга муваффақ бўлди — Маҳрез 11 метрлик жарима зарбасидан кейин якуний нуқтани қўйди.
Шу тариқа «Манчестер Сити» мусобақанинг кейинги босқичига йўл олди.
Англия Кубоги
3-босқич баҳслари
8 январь, якшанба
«Манчестер Сити» — «Челси» 4:0
Голлар: 1:0 – 23 Маҳрез, 2:0 – 30, пенальти Альварес, 3:0 – 38 Фоден, 4:0 – 85, пенальти Маҳрез.«Манчестер Сити»: Ортега, Уокер, Ляпорт, Аканджи, Серхио Гомес (Жоау Канселу, 59), Бернарду Сильва (Льюис, 86), Родри (Fillips, 58), Фоден, Палмер, Маҳрез, Альварес.
«Челси»: Аррисабалага, Чалоба, Кулибали, Ҳамфрис, Ҳолл, Ковачич (Фофана, 46), Жоржиньо (Аспиликуэта, 63), Галлаҳер, Зиёш (Жирод-Ҳатчинсон, 63), Маунт (Чуквуэмека, 73), Ҳаверц (Закария, 46).
Огоҳлантиришлар: Родри (54), Галлаҳер (62), Бернарду Сильва (70), Жоау Канселу (87).
Изоҳ (0)