ICE ma’lumotlariga ko‘ra, Yevropada gaz narxi 1 000 kub metr uchun 750 dollardan pastga tushdi. Bu haqda “Kommersant” xabar bermoqda.
Ma’lumotlarga ko‘ra, narx 2022-yil 18-fevraldan beri birinchi marta bu darajaga tushdi.
Niderlandiyadagi TTF markazida fevral fyucherslari narxi Toshkent vaqti bilan soat 12:23 holatiga ko‘ra 1 000 kub metr uchun 733 dollarga (MVt/soat uchun 67 yevro) tushdi.
Ta’kidlanishicha, Yevropada gaz narxining pasayishi ketma-ket uchinchi hafta davom etmoqda.
20-dekabr kuni energiya resursining birja narxi Urengoy—Pomari—Ujgorod magistral gaz quvuridagi portlash fonida 1 MVt/soat uchun 114,33 yevrogacha ko‘tarildi. Keyinchalik gaz narxi yoz boshidagi darajaga tusha boshladi.
22-dekabr kuni Yevropa Ittifoqi gaz narxining yuqori chegarasini MVt/soat uchun 180 yevro miqdorida tasdiqladi.
Cheklov 2023-yil 15-fevralda kuchga kiradi, Yevropa Komissiyasi chegara haqidagi kelishuvni “energiya ta’minoti xavfsizligi va moliyaviy bozorlar barqarorligini” ta’minlash bilan izohladi.
Izoh (0)