Америка автомобиль ишлаб чиқарувчиси General Motors (GM) 2022 йилда сотувлар бўйича Япониянинг Toyota Мотор компаниясини ортда қолдириб, АҚШ бозорида ўз етакчилигини тиклади. Бу ҳақда Bloomberg хабар берди.
АҚШ бозорида GM сотуви ўтган йили 3 фоизга ошиб, 2 миллион 274 088 минг дона автомобилни ташкил қилди. GM электромобилларининг сотуви 58 фоизга ошиб, 39 179 мингтага етди.
Шу билан бирга, Toyota АҚШда 2 108 458 та автомобиль сотди, бу 2021 йилга нисбатан 10 фоизга кам. Toyota электромобиллари, жумладан, гибрид автомобиллари сотуви 14 фоизга тушиб, 504 016 мингтани ташкил қилди.
Жорий йилнинг тўртинчи чорагида GM АҚШда 623 261 та автомобиль сотди (ўтган йилнинг шу чорагига нисбатан +41 фоиз), шу жумладан, 16 266 та электромобиль (+62 фоиз).
Октябрь—декабрь ойларида АҚШ бозорида Toyota савдоси 536 744 минг дона автомобилни ташкил этди.
2021 йилда Toyota 1931 йилдан бери биринчи ўринни эгаллаб турган GMни ортда қолдириб, биринчи марта сотувлар бўйича АҚШ бозори етакчисига айланганди.
GM 2022 йилда яна етакчиликни қўлга киритган бўлса-да, компаниянинг савдоси Covid-19дан олдинги даражадан анча паст бўлиб қолди.
Изоҳ (0)