Toshkentdan Olmaotaga uchayotgan Air Astana aviakompaniyasining KC 128 reysi kuchli turbulentlik zonasiga tushib qoldi.
Ma’lum qilinishicha, samolyot mahalliy vaqt bilan 14:35 da havoga ko‘tarilgan. Parvoz vaqtida samolyot to‘satdan kuchli turbulentlik zonasiga tushib qolgan. Dastlabki ma’lumotlarga ko‘ra, yetti nafar yo‘lovchi turli tan jarohatlari olgan. Samolyot 16:45 da Olmaotaga qo‘ngan.
Parvoz ekipaji yo‘lovchilarga birinchi tibbiy yordam ko‘rsatgan. Uchuvchilar voqea haqida aeroport xizmatlarini xabardor qilgan. Tez yordam mashinalari yordam ko‘rsatish uchun aeroportda yo‘lovchilarni kutmoqda.
Aviakompaniya sodir bo‘lgan voqeadan afsusdaligini bildirib, yordam ko‘rsatishini ma’lum qildi. Voqea vakolatli organlar tomonidan tekshiriladi.
Izoh (0)