Тошкентдан Олмаотага учаётган самолёт кучли ҳаво гирдобига тушиб қолди

Тошкентдан Олмаотага учаётган Air Astana авиакомпаниясининг КC 128 рейси кучли турбулентлик зонасига тушиб қолди.

Маълум қилинишича, самолёт маҳаллий вақт билан 14:35 да ҳавога кўтарилган. Парвоз вақтида самолёт тўсатдан кучли турбулентлик зонасига тушиб қолган. Дастлабки маълумотларга кўра, етти нафар йўловчи турли тан жароҳатлари олган. Самолёт 16:45 да Олмаотага қўнган.

Парвоз экипажи йўловчиларга биринчи тиббий ёрдам кўрсатган. Учувчилар воқеа ҳақида аэропорт хизматларини хабардор қилган. Тез ёрдам машиналари ёрдам кўрсатиш учун аэропортда йўловчиларни кутмоқда.

Авиакомпания содир бўлган воқеадан афсусдалигини билдириб, ёрдам кўрсатишини маълум қилди. Воқеа ваколатли органлар томонидан текширилади.