Buxoro—Toshkent yo‘nalishidagi “Afrosiyob” poyezdi to‘xtab qolgani sabab yo‘lovchilar zaxira poyezdda yetkazib qo‘yilgandi. “O‘zbekiston temir yo‘llari” hodisa sababini ma’lum qildi.
Mutaxassislar guruhining xulosasiga ko‘ra, sim tarmog‘idagi uzilishning asosiy sababi osmon fonarlari deb nomlangan va odamlar tomonidan bayram kunlarida osmonga uchirilgan vosita ekani aniqlangan.
Temir yo‘l yaqinida uning uchirilishi vaqtida ushbu jism elektrovozning pantografiga urilib, qisqa tutashuvga olib keldi va kontakt simining qizishiga olib keldi va buning oqibatida elektrovoz elektr ta’minotidan uzilib qolgan.
Shuningdek, “O‘zbekiston temir yo‘llari” fuqarolardan yo‘lovchilar va yuklarni tashishda harakat xavfsizligini ta’minlash, huquq-tartibotni saqlash maqsadida temiryo‘l hududlarida hamda poyezdlar yaqinida bunday buyumlardan foydalanmaslikni so‘ragan.
Izoh (0)