Namangandagi xonadonda sodir bo‘lgan yong‘inda bir nafar fuqaro halok bo‘ldi

Namangan shahrida 31-dekabr kuni xonadonda yong‘in sodir bo‘ldi. Bu haqda viloyat Favqulodda vaziyatlar boshqarmasi xabar qildi.

Qayd etilishicha, shu kuni soat 07:21 da shahar FVBga “Baynalminal” mahallasi hududidagi xonadonlarni birida yong‘in sodir bo‘layotgani haqida xabar kelib tushgan. Xabarga asosan soat 07:25 da yong‘in qutqaruv ekipaji joyiga yetib borgan. Holat soat 07:40 da to‘liq bartaraf etilgan.

Yong‘in oqibatida uyniing shift va tom qismidan 25 kvadrat metr joyi hamda uy jihozlari yonib zararlangan.

Yong‘in vaqtida xonadon egasining 1-guruh nogironi bo‘lgan qizining (1997-yilda tug‘ilgan) kuygan holdagi jasadi topilgan.

Hozirda sodir bo‘lgan yong‘in yuzasidan tergovga qadar surushtiruv ishlari olib borilmoqda.