Namangan shahrida 30-dekabr kuni xonadonlardan biri yonib ketdi, deb xabar bermoqda viloyat Favqulodda vaziyatlar boshqarmasi.
Qayd etilishicha, shu kuni soat 17:50 da shahar FVBga “Ziyokor” mahallasi hududidagi xonadonlarning birida yong‘in sodir bo‘layotgani haqida xabar kelib tushgan.
Xabarga asosan yong‘in qutqaruv ekipaji voqea joyiga borib, sodir bo‘lgan yong‘inni soat 18:30 da to‘liq bartaraf etgan.
Yong‘in oqibatida uyning 50 kvadrat metr maydonda shift va tom qismi hamda uy-jihozlari, xonadon egalariga tegishli hujjatlar yonib zararlangan.
Holat ortidan kuyib tan jarohati olganlar yo‘q.
“Hozirda sodir bo‘lgan yong‘in yuzasidan tergovga qadar surushtiruv ishlari olib borilmoqda”, — deyiladi xabarda.
Izoh (0)