Turkiya prezidenti Rajab Toyyib Erdo‘g‘an Anqara Qora dengizda yangi gaz konini topilganini ma’lum qildi. Bu haqda “Kommersant” xabar bermoqda.
Prezidentning so‘zlariga ko‘ra, hozirda Turkiyaning gaz zaxiralari 710 milliard kub metrni tashkil etadi. Topilgan gazning qiymati esa 1 trillion dollarni tashkil etadi. Anqara O‘rtayer dengizi, Kaspiy dengizi va Yaqin Sharqning energiya markaziga aylanish niyatida.
“Qora dengizdagi tabiiy gaz zaxiralarimiz qayta baholash ishlari va Chaykum-1 da 58 milliard kub metrlik yangi burg‘ulash kemamiz ochilishi tufayli 170 milliard kub metrga oshib, jami 710 milliard kub metrga yetdi”, — deyiladi xabarda.
Erdo‘g‘an Vazirlar Mahkamasi yig‘ilishidan keyin xalqqa qilgan murojaatida konning 3 023 metr chuqurlikda suv ostida joylashganini aytdi. Ilgari gaz zaxiralari 540 milliard kubometr darajasida edi.
“Yakuniy maqsadimiz — neft va tabiiy gazga tashqi qaramlikni imkon qadar tezroq bartaraf etish. Biz Turkiyani O‘rta Yer dengizi, Kaspiy dengizi va Yaqin Sharqdagi energiya markaziga aylantirishga qaror qildik. Biz Sharq va G‘arbni nafaqat Istanbul va Dardaneldagi ko‘priklarimiz, balki energiya ko‘priklari bilan ham birlashtiramiz”, — dedi Rajab Toyyib Erdo‘g‘on.
Dekabr o‘rtalarida Turkiya prezidenti qiymati 12 milliard dollar bo‘lgan 150 million barrel neftga ega kon topilgani haqida ma’lum qilgan edi. Iyul oyida Anqara mamlakat janubidagi Chukurova neft konini ham topdi.
Izoh (0)