Туркия президенти Ражаб Тоййиб Эрдўған Анқара Қора денгизда янги газ конини топилганини маълум қилди. Бу ҳақда «Коммерсантъ» хабар бермоқда.
Президентнинг сўзларига кўра, ҳозирда Туркиянинг газ захиралари 710 миллиард куб метрни ташкил этади. Топилган газнинг қиймати эса 1 триллион долларни ташкил этади. Анқара Ўртаер денгизи, Каспий денгизи ва Яқин Шарқнинг энергия марказига айланиш ниятида.
«Қора денгиздаги табиий газ захираларимиз қайта баҳолаш ишлари ва Чайкум-1 да 58 миллиард куб метрлик янги бурғулаш кемамиз очилиши туфайли 170 миллиард куб метрга ошиб, жами 710 миллиард куб метрга етди», — дейилади хабарда.
Эрдўған Вазирлар Маҳкамаси йиғилишидан кейин халққа қилган мурожаатида коннинг 3 023 метр чуқурликда сув остида жойлашганини айтди. Илгари газ захиралари 540 миллиард кубометр даражасида эди.
«Якуний мақсадимиз — нефть ва табиий газга ташқи қарамликни имкон қадар тезроқ бартараф этиш. Биз Туркияни Ўрта Ер денгизи, Каспий денгизи ва Яқин Шарқдаги энергия марказига айлантиришга қарор қилдик. Биз Шарқ ва Ғарбни нафақат Истанбул ва Дарданелдаги кўприкларимиз, балки энергия кўприклари билан ҳам бирлаштирамиз», — деди Ражаб Тоййиб Эрдўғон.
Декабрь ўрталарида Туркия президенти қиймати 12 миллиард доллар бўлган 150 миллион баррель нефтга эга кон топилгани ҳақида маълум қилган эди. Июль ойида Анқара мамлакат жанубидаги Чукурова нефть конини ҳам топди.
Изоҳ (0)