Yaponiya Rossiyadan neft importini qayta yo‘lga qo‘ymoqda

Yaponiya may oyidan beri birinchi marta Rossiyadan xom neftning birinchi partiyasini import qilmoqchi. Bu haqda Bloomberg xabar berdi.

Ma’lumotlariga ko‘ra, Yaponiya hukumati kelajakda taqchillikka yo‘l qo‘ymaslik uchun import qiluvchilarni yoqilg‘i zaxiralarini yig‘ishga undamoqda.

Kema kuzatuvi ma’lumotlariga tayanib, agentlik “Aframax Zaliv Baykal” kemasi Rossiyaning Uzoq Sharqidagi “Saxalin-2” inshootidan xomashyo yuklab, Yaponiyaga yo‘l olganini yozadi.

Yetkazib berish ma’lumotlariga ko‘ra, Yaponiya may oyidan beri Rossiya neftini import qilmagan.

Tokio G‘arbning Rossiyaga qarshi sanksiyalariga qo‘shilgan, biroq neft va tabiiy gazga nisbatan qattiq choralar ko‘rishdan o‘zini tiydi.

Yaponiya hukumatining ta’kidlashicha, Saxalin 2 loyihasi Yaponiyaga suyultirilgan gaz yetkazib berishning asosiy manbai hisoblanadi (istemolning 9 foizini qoplaydi).

Shunday qilib, G7 doirasida Rossiya neftiga narxlarning yuqori chegarasini joriy etishni qo‘llab-quvvatlagan holda, Yaponiya Saxalin 2 loyihasidan xomashyo yetkazib berish uchun istisnoga erishdi.