Toshkent viloyati, Qibray tumanidagi klinika kimoshdi savdosiga qo‘yildi. Ma’lumotlar “E-auksion” portalida e’lon qilingan.
Lot auksionga O‘zbekiston prezidenti qaroriga ko‘ra, “O‘zbekgeofizika” kompaniyasi tomonidan joylashtirilgan.
Klinika yer uchastkasining umumiy maydoni — 2,6 gektar. Binoning maydoni — 4 445 kvadrat metr. Unda suv, elektr, gaz ta’minoti va kanalizatsiya tizimi mavjud.
Bino 2012-yilda qurilgan bo‘lib, 130 xonadan iborat. Shuningdek, klinika bir necha qavatdan iborat bo‘lib, turli xil binolarga ajratilgan.
Auksionga qo‘yilgan klinikaning boshlang‘ich bahosi — 79,7 mlrd so‘m. Arizalar 23-yanvar 09:00 ga qadar qabul qilinadi. Savdolar xuddi shu kuni 10:00 da boshlanadi.
Mavzuga doir: Toshkentdagi biznes-markaz auksionda O‘zbekistondagi banklardan biriga sotildi. Narx — 42 mlrd so‘m
Izoh (0)