Тошкент вилояти, Қибрай туманидаги клиника кимошди савдосига қўйилди. Маълумотлар «E-auksion» порталида эълон қилинган.
Лот аукционга Ўзбекистон президенти қарорига кўра, «Ўзбекгеофизика» компанияси томонидан жойлаштирилган.
Клиника ер участкасининг умумий майдони — 2,6 гектар. Бинонинг майдони — 4 445 квадрат метр. Унда сув, электр, газ таъминоти ва канализация тизими мавжуд.
Бино 2012 йилда қурилган бўлиб, 130 хонадан иборат. Шунингдек, клиника бир неча қаватдан иборат бўлиб, турли хил биноларга ажратилган.
Аукционга қўйилган клиниканинг бошланғич баҳоси — 79,7 млрд сўм. Аризалар 23 январь 09:00 га қадар қабул қилинади. Савдолар худди шу куни 10:00 да бошланади.
Мавзуга доир: Тошкентдаги бизнес-марказ аукционда Ўзбекистондаги банклардан бирига сотилди. Нарх — 42 млрд сўм
Изоҳ (0)