Joriy yilning 10 oyi holatiga ko‘ra, Mo‘g‘uliston O‘zbekistonga 500 tonna go‘sht va sut mahsulotlari eksport qilgan. Bu haqda Montsame xabar bermoqda.
“Kelgusida eksport hajmi ortadi”, — deydi Mo‘g‘uliston qishloq xo‘jaligi vaziri X.Bolorchuluun O‘zbekiston qishloq xo‘jaligi vaziri Aziz Voitov bilan onlayn muloqot chog‘ida.
Joriy yilning dekabr oyida O‘zbekiston Mo‘g‘ulistonning 9 ta korxonasiga go‘sht va go‘sht mahsulotlarini olib kirishga ruxsat bergan bo‘lib, buning natijasida O‘zbekistonga go‘sht eksport qiluvchi korxonalar soni 26 taga yetgan.
2019-yilda ikki davlat o‘rtasida veterinariya sohasida hamkorlik to‘g‘risida bitim tuzilib, tegishli veterinariya sertifikatlari o‘zaro kelishib olingan. Bu O‘zbekistonga go‘sht va go‘sht mahsulotlarini eksport qilish imkoniyatini ochib bergan.
Mavzuga doir: O‘zbekistonda 23 turdagi asosiy oziq-ovqat mahsulotlari uchun bekor qilingan import boji muddati uzaytirildi