Toshkent viloyati, Bo‘stonliq tumanidagi “Anhor sayli” (sobiq “Aziz” va “Kazbek”) dam olish oromgohlari kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga Davlat aktivlarini boshqarish agentligi Toshkent viloyati hududiy boshqarmasi tomonidan joylashtirilgan.
Ushbu qurilgan yili noma’lum bo‘lgan oromgoh yer uchastkasining umumiy maydoni — 1,9 gektar. Binoning maydoni — 3831,69 kvadrat metr. Unda suv, elektr va gaz ta’minoti mavjud. Kanalizatsiya tizimi esa yo‘q.
Auksionga qo‘yilgan oromgohning boshlang‘ich bahosi — 37 mlrd so‘m. Arizalar 23-yanvar 09:00 ga qadar qabul qilinadi. Savdolar xuddi shu kuni 10:00 da boshlanadi.
Mavzuga doir: Toshkentdagi biznes-markaz auksionda O‘zbekistondagi banklardan biriga sotildi. Narx — 42 mlrd so‘m
Izoh (0)