Toshkentda har ming kishiga o‘rtacha 178 ta yengil avtomobil to‘g‘ri kelmoqda

Toshkent shahrida 2022-yilning 1-yanvar holatiga ko‘ra har ming kishiga o‘rtacha 178 ta yengil avtomobil to‘g‘ri kelmoqda.

Statistika qo‘mitasi ma’lumotlariga ko‘ra, respublikada har 1000 nafar doimiy aholiga o‘rtacha 87 ta yengil avtomobil to‘g‘ri kelmoqda. Bu ko‘rsatkich 2021-yilning mos davriga nisbatan 6 taga oshgan.

Hududlar kesimida har 1000 nafar doimiy aholiga o‘rtacha to‘g‘ri keladigan yengil avtomobillar soni:

• Qoraqalpog‘iston Respublikasi — 66 ta;
• Andijon viloyati — 64 ta;
• Buxoro viloyati — 100 ta;
• Jizzax viloyati — 60 ta;
• Qashqadaryo viloyati — 72 ta;
• Navoiy viloyati — 87 ta;
• Namangan viloyati — 68 ta;
• Samarqand viloyati — 92 ta;
• Surxondaryo viloyati — 64 ta;
• Sirdaryo viloyati — 70 ta;
• Toshkent viloyati — 106 ta;
• Farg‘ona viloyati — 77 ta;
• Xorazm viloyati — 104 ta;
• Toshkent shahri — 178 ta.