“Daryo” jurnali O‘zbekistonning jahon iqtisodiyoti maydoniga kirib borishdagi harakatlari haqida Moskvada faoliyat olib borayotgan iqtisodchi Jamshid Muslimov bilan suhbat uyushtirdi.
Suhbat mavzusi O‘zbekistonda o‘tkazilayotgan iqtisodiy uchrashuvlar, xalqaro shartnomalar va mamlakatdagi iqtisodiy vaziyat bo‘ldi. Tahlil davomida harakatlar qanchalik o‘zini oqlashi mumkinligi, sohaning rivojlanishiga to‘siq bo‘layotgan omillar, shartnomalarning real amaliyotdagi ahamiyati masalalariga to‘xtalindi.
O‘zbekistonning xalqaro iqtisodiy hamjamiyatda imzolayotgan xususiylashtirish, davlat xususiy sherikligi va kredit liniyalariga oid shartnomalari haqida so‘z yuritilib, ushbu tushunchalarning mohiyati bir qadar ochiqlandi. Iqtisodchi ayni paytda mahalliy sharoitga e’tibor qaratib, xususiylashtirishda imkoniyatni mahalliy tadbirkorlarga berish va xorij sarmoyadorlari bilan ishlash ko‘nikmalari haqida fikrlari bilan o‘rtoqlashdi.
Prognozlashtirish va makroiqtisodiy tadqiqotlar instituti xodimining aytishicha, O‘zbekiston hozirgi geosiyosiy vaziyatdan kelib chiqib logistika tizimini qayta ko‘rib chiqishda ham qator ishlarni boshlagan. Shunga ko‘ra suhbatda Afg‘onistondagi siyosiy vaziyat va uning iqtisodiy imkoniyatlari masalasi ham tahlil qilindi.
Jahon bozorida o‘z o‘rnini topish masalasi davlatning kelgusidagi taraqqiyotiga sabab bo‘ladigan muhim jihat. Xo‘sh, O‘zbekiston bu jarayonda qaysi sohalar orqali imkoniyatlarini o‘rganishi kerak? Iqtisodiy auditoriyada ko‘pchilik talabi bo‘lgan mahsulot qanday topiladi?
“Daryo” jurnali tajriba va tahlil talab etadigan shu kabi savollarga soha mutaxassislaridan javob qidirishda davom etadi.
Izoh (0)